У Вікіпедыі ёсць артыкулы пра іншых асоб з прозвішчам Бяляеў. Якаў Дзмітрыевіч Бяляеў (нар. 15 сакавіка 1918, в. Піхалёва, Заволжскі раён, Іванаўская вобласць — 6 ліпеня 1941, Крупскі раён) — Герой Савецкага Саюза (1941)[1].
Кандыдат у члены КПСС. У Чырвонай Арміі з 1938 года. Удзельнік савецка-фінляндскай вайны 1939—1940 гадоў. У гады Вялікай Айчыннай вайны на фронце з чэрвеня 1941 года. Камандзір бронемашыны сяржант Я. Д. Бяляеў асабліва вызначыўся ў абарончых баях у Беларусі. У чэрвені 1941 года ў в. Астрашыцкі Гарадок Мінскага раёна з экіпажам машыны падбіў варожы танк і 3 матацыклы. 6 ліпеня 1941 года каля вёсак Гібайлавічы і Сомры Крупскага раёна загінуў у баі.
Пахаваны ў г. Крупкі, на брацкай магіле пастаўлены абеліск[2].
Яго імем названа вуліца ў Першамайскім раёне Мінска.