Якаў Іосіфавіч Джугашвілі (груз. იაკობ იოსების ძე ჯუღაშვილი; 18 (31) сакавіка 1907, вёска Баджы, Кутаіская губерня — 14 красавіка 1943, канцлагер Заксенхаўзен) — старэйшы сын І. В. Сталіна, старшы лейтэнант, які загінуў падчас Вялікай Айчыннай вайны ў нямецкім палоне.
З 27 чэрвеня 1941 года Якаў знаходзіўся ў дзеючай арміі: камандзір 6-й артылерыйскай батарэі 14-га гаўбічнага палка 14-й танкавай дывізіі 7-га мехкорпуса 20-й арміі, старшы лейтэнант.
4 ліпеня 1941 года часткі 16-й, 19-й і 20-й арміі патрапілі ў акружэнне пад Віцебскам.
За бой 7 ліпеня 1941 каля ракі Чарнагосніца пад Сянно Віцебскай вобласці разам з іншымі байцамі Якаў Джугашвілі быў прадстаўлены да ўрадавай узнагароды (гл. Бітва пад Сянно). 16 ліпеня 1941 гады пры выхадзе з акружэння ля г. п. Лёзна ён прапаў. Згодна з рапартам брыгаднага камісара Аляксея Румянцава, беспаспяховыя пошукі сына Сталіна працягваліся да 25 ліпеня.