У Вікіпедыі ёсць артыкулы пра іншых асоб з прозвішчам Дзяменцьеў. Юрый Рыгоравіч Дзяменцьеў (нар. 30 красавіка 1940, Мінск) — беларускі архітэктар.
Скончыў Беларускі політэхнічны інстытут у 196] годзе. Працаваў архітэктарам, галоўным спецыялістам аддзела ў Белпрампраекце, з 1982 года — старшы рэферэнт у Савеце Міністраў БССР, з 1989 года — галоўны архітэктар Белдзіпрагандлю.
Член Саюза архітэктараў СССР з 1975 года. Пражывае ў Мінску.
Адзін з аўтараў прамысловых комплексаў НВА «Гранат», «Шабаны», электратэхнічнага завода (усе ў 1982), комплексу НДІ будаўніцтва і архітэктуры (1980) у Мінску, завода металаканструкцый у Маладзечне (1979).
Узнагароджаны дыпломамі ВДНГ СССР і БССР, бронзавым медалём ВДНГ СССР (1986) за ўдзел у распрацоўцы прапаноў па развіцці маналітнага домабудавання ў рэспубліцы.