У Вікіпедыі ёсць артыкулы пра іншых асоб з прозвішчам Кох.
Юрый Кох (в.-луж.: Jurij Koch, 15 верасня 1936, Гуркі, Лужыца, Германія) — лужыцкі пісьменнік, журналіст, драматург і перакладчык, які піша на верхнялужыцкай, ніжнялужыцкай і нямецкай мовах. Лаўрэат прэміі імя Якуба Чышынскага.
Верш «Вечар у аўтамабілі» пераклаў на беларускую мову Ніл Гілевіч[2].
Нарадзіўся ў рабочай сям’і. Пасля атрымання сярэдняй адукацыі ў Кроствіцы, Баўтцэне і Котбусе навучаўся з 1956 па 1960 год на факультэце журналістыкі ва ўніверсітэце імя Карла Маркса ў Лейпцыгу. З 1961 па 1966 год быў аспірантам на факультэце тэатральнага мастацтва Лейпцыгскага ўніверсітэта. Працаваў рэдактарам і журналістам на радыё. З 1976 года з’яўляецца пазаштатным журналістам.
Займаецца перакладамі.
У 1974 годзе быў удастоены прэміі імя Якуба Чышынскага.