У Вікіпедыі ёсць артыкулы пра іншых асоб з прозвішчам Кушнер.
Юрый Захаравіч Кушнер (18 красавіка 1936, Пугачоў, Саратаўская вобласць, Расія — 29 чэрвеня 2015) — беларускі педагог, спецыяліст у галіне агульнай педагогікі, гісторыі педагогікі і адукацыі. Доктар педагагічных навук (1996), прафесар (1999).
Скончыў Гур’еўскі педагагічны інстытут (спецыяльнасць «Руская мова і літаратура», 1959), Акадэмію педагагічных навук СССР (аспірантура, 1972).
Працаваў у Магілёўскім дзяржаўным універсітэце імя А. А. Куляшова (1981—2015, факультэт педагогікі і псіхалогіі дзяцінства, кафедра псіхалогіі, прафесар).
Навуковыя інтарэсы: прафесійная і школьная педагогіка; метадалогія педагогікі; тэорыя і практыка выхавання навучэнцаў ПТВ; тэорыя і тэхналогія выхавання і навучання; праблемы сучаснай адукацыі; праблемы сямейнай педагогікі.
Званні «Выдатнік адукацыі СССР» (1969), «Выдатнік прафесійна-тэхнічнай адукацыі Казахскай ССР» (1979); граматы Міністэрства асветы Казахскай ССР, Міністэрства асветы Беларускай ССР і інш.