У Вікіпедыі ёсць артыкулы пра іншых асоб з прозвішчам Малевіч. Юрый Адамавіч Малевіч (17 студзеня 1939, г. Баранавічы, Брэсцкая вобласць — 14 снежня 2002) — беларускі вучоны, сецыяліст у галіне прамысловай цеплаэнергетыкі, цеплафізікі, тэарэтычных асноў цеплатэхнікі. Доктар тэхнічных навук (1992), прафесар (1994).
Скончыў Беларускі політэхнічны інстытут (энергетычны факультэт, 1960), Кіеўскі політэхнічны інстытут (аспірантура, 1966).
Працаваў у Маладзечанскім політэхнічным тэхнікуме (1960—1962), Беларускім нацыянальным тэхнічным універсітэце (з 1966, энергетычны факультэт, кафедра прамысловай цеплаэнергетыкі, у 1974—1986 і з 1997 — загадчык кафедры, 1970—1976 — дэкан факультэта).
Цеплаэнергетычнае абсталяванне прамысловых прадпрыемстваў; распрацоўка новых рэсурсазберагальных тэхналогій; цеплафізіка металургічных працэсаў.
Медаль «За доблестный труд. В ознаменование 100-летия со дня рождения Владимира Ильича Ленина» (1968), грамата Вярхоўнага Савета Беларускай ССР (1972), нагрудны знак «Отличник высшей школы СССР» (1989) і інш.