Юлій Пятровіч Ва́наг (25 чэрвеня (8 ліпеня) 1903, хут. Ірбесала[1], Меднінская воласць, цяпер Екабпілскага раёнаа — 12 кастрычніка 1986) — латышскі пісьменнік, перакладчык твораў беларускай літаратуры[1]. заслужаны дзеяч культуры Латвійскай ССР (1953), Заслужаны работнік культуры БССР (1979)[1]. Удзельнік Вялікай Айчыннай вайны[1].
Літаратурную дзейнасць пачаў у 1927 годзе[1]. У 1941 напiсаў (сумесна з Ф. Ракпелнісам(руск.) бел.) п’есу «Яны праклалі шлях» пра барацьбу латышскага народа за Савецкую ўладу і лібрэта оперы «Рута»(пастаўлена ў 1943 годзе).
У п’есе «Сустрэча на беразе» (1948) паказаў аднаўленне прамысловасці і рост сацыялістычных спазнанняў людзей Савецкай Латвіі. П’есы Ванага ставіліся ў Мастацкім тэатры(руск.) бел. (Рыга), а таксама ў іншых тэатрах Латвіі.
Таксама працаваў як кінадраматург: сцэнарыі «Вясновыя замаразкі», «За лебядзінай зграяй аблокаў» і іншыя.
Аўтар тэксту дзяржаўнага гімна Латвійскай ССР[1].
Пераклаў на латышскую мову вершы Я. Купалы, аповесці «Дрыгва» Я. Коласа, «Гандлярка і паэт» і «Шлюбная ноч» І. Шамякіна, раманы «Людзі на балоце» і «Подых навальніцы» І. Мележа, «Птушкі і гнёзды» Я. Брыля, «Беларускія народныя казкі» і інш[1].