У Вікіпедыі ёсць артыкулы пра іншых асоб з прозвішчам Брун. Юльян Брун (партыйныя псеўданімы: Спіс, Брановіч; 21 красавіка 1886, Варшава — 28 красавіка 1942) — публіцыст.
З 1905 года член партыі Сацыял-дэмакратыя Каралеўства Польскага і Літвы; з 1919 года — КПП. Удзельнічаў у рэвалюцыі 1905—1907 гадоў. Ратуючыся ад рэпрэсій царскіх улад, эмігрыраваў у Францыю, потым у Балгарыю. У 1924 годзе арыштаваны польскімі ўладамі, асуджаны на 8 гадоў турмы. З 1926 у выніку абмену палітвязнямі — у СССР. Жыў у Маскве, працаваў у ТАСС. У 1929 годзе накіраваны на падпольную работу ў Заходнюю Беларусь, прадстаўнік ЦК КПЗБ пры ЦК КП(б)Б. У 1928—1938 адзін з рэдактараў часопіса «Nowy Przegląd» — тэарэтычнага органа ЦК КПП.
У 1936—1941 у эміграцыі ў Бельгіі і Францыі. Вясною 1941 прыехаў у СССР. Займаўся публіцыстыкай.