Юкія Амана (яп.: 天野之弥; 9 мая 1947, Югавара, Канагава, Японія — 18 ліпеня 2019, Вена, Аўстрыя) — японскі дыпламат і міжнародны дзяржаўны служачы Арганізацыі Аб’яднаных Нацый і яе падраздзяленняў. Пасол і пастаянны прадстаўнік Японіі ў Міжнародным агенцтве па атамнай энергіі (МАГАТЭ), Генеральны дырэктар МАГАТЭ (2009—2019).
Амана нарадзіўся ў горадзе Югавара прэфектуры Канагава 9 мая 1947 года. Пачаў вучобу ў Такійскім універсітэце у 1968 годзе. Пасля заканчэння юрыдычнага факультэта ён стаў служачым Міністэрства замежных спраў у красавіку 1972 года. Яго спецыялізацыяй была міжнародная праблема раззбраення і намаганні па нераспаўсюджвання ядзернай зброі. У 1973—1974 гадах вучыўся ва універсітэце Франш-Кантэ, у 1974—1975 гадах — ва універсітэце Ніцы.
Займаў розныя пасады ў Міністэрстве замежных спраў Японіі.
З 2005 года — пасол Японіі ў МАГАТЭ. З 1 снежня 2009 года — генеральны дырэктар МАГАТЭ.
Памёр 22 ліпеня 2019 года ва ўзросце 72 гадоў[7]. Прычыны смерці на цяперашні момант невядомыя, аднак раней паведамлялася, што Амана можа датэрмінова сысці ў адстаўку па прычыне захворвання[8].