У Вікіпедыі ёсць артыкулы пра іншых асоб з прозвішчам Дзяконскі. Юзаф Янавіч Дзяконскі — дзяржаўны дзеяч Вялікага Княства Літоўскага.
Паходзіў са шляхецкага роду Дзяконскіх герба «Кораб». Паводле С. Урускага быў трэцім сына Яна Валынца, але ў афіцыйным генеалагічным апісанні рода Дзяконскіх, складзеным у 1797 годзе, Юзафа сына Яна няма. Імя Юзаф было распаўсюджана ў гэтай галіне роду і сустракаецца часта, што, магчыма, стварае блытаніну.
У 1781—1793 — ваўкавыскі скарбнік і скарбовы камісар літоўскі. У 1819 годзе — прэзідэнт Ваўкавыскага гродскага суда.
Быў членам масонскай ложы «Сябры чалавецтва» ў Гродне. У 1819 годзе ён стаў масонам 2-й ступені, а ў 1821 годзе — 3-й ступені.