У Вікіпедыі ёсць артыкулы пра іншых асоб з прозвішчам Чэйн.
Эрнст Борыс Чэйн (англ.: Ernst Boris Chain; 19 чэрвеня 1906, Берлін — 12 жніўня 1979) — англійскі вучоны ў галіне біяхіміі. Член Лонданскага каралеўскага таварыства (1949).
Скончыў Берлінскі ўніверсітэт (1930). З 1935 года ў Оксфардскім універсітэце, з 1948 года дырэктар Міжнароднага цэнтра хімічнай мікрабіялогіі (Рым). З 1961 года ў Лонданскім універсітэце (прафесар біяхіміі). Навуковыя працы па вывучэнні мікробных антыбактэрыяльных рэчываў, механізмах уздзеяння інсуліну. Вылучыў чысты пеніцылін і вызначыў яго хімічную будову ў 1939 годзе. Нобелеўская прэмія па фізіялогіі і медыцыне (1945) (з А. Флемінгам і Х. У. Флоры)