У Вікіпедыі ёсць артыкулы пра іншых асоб з прозвішчам Руска.
Эрнст Аўгуст Фрыдрых Ру́ска[6] (ням.: Ernst August Friedrich Ruska; 25 снежня 1906, Гайдэльберг — 27 мая 1988, Берлін) — стваральнік электроннага мікраскопа, лаўрэат Нобелеўскай прэміі па фізіцы (1986) (палова прэміі «за працу над электронным мікраскопам», другую палову прэміі атрымалі Герд Бініг і Генрых Рорэр «за вынаходства сканавальнага тунэльнага мікраскопа»).
Вучыўся ў Мюнхенскім тэхнічным універсітэце з 1925 па 1927 год, затым паступіў у Тэхнічны ўніверсітэт Берліна, дзе даказаў, што мікраскопы з выкарыстаннем электронаў з даўжынёй хвалі ў 1000 разоў карацейшай, чым у святла, могуць даць больш дэталёвую карціну аб’екта, чым мікраскоп з выкарыстаннем святла, у якіх павелічэнне абмежавана памерам даўжыні хвалі. У 1931 годзе ён даказаў, што магнітная шпулька можа выступаць у якасці электроннай лінзы, і выкарыстаў некалькі шпулек пры будаўніцтве першага электроннага мікраскопа ў 1933 годзе.