У Вікіпедыі ёсць артыкулы пра іншых асоб з прозвішчам Абэ.
Э́рнст Ка́рл А́бэ (ням.: Ernst Karl Abbe; 23 студзеня 1840, Айзенах — 14 студзеня 1905, Ена) — нямецкі фізік-оптык, аўтар тэорыі ўтварэння выяў у мікраскопе, стваральнік тэхналогіі важных раздзелаў оптыка-механічнай прамысловасці. З 1870 прафесар тэарэтычнай фізікі ў Ене, у 1877—90 дырэктар абсерваторыі ў Ене. У 1863, як дацэнт Енскага ўніверсітэта, удзельнічаў у працах аптычных майстэрняў К. Цэйса з мэтай высвятлення навуковых асноў канструкцыі мікраскопаў. Тэорыя мікраскопа Абэ (1872) з’явілася першым навуковым рашэннем гэтай задачы. Абэ распрацаваў канструкцыі многіх аптычных прыбораў, якія носяць яго імя і да гэтага часу прымяняюцца ў оптыка-механічнай прамысловасці.