У Вікіпедыі ёсць артыкулы пра іншых асоб з прозвішчам Томпсан.
Эма Томпсан (анг. Emma Thompson) — брытанская актрыса і сцэнарыст, лаўрэат прэмій «Оскар», BAFTA і «Эмі».
Нарадзілася 15 красавіка 1959 года ў Лондане, Англія, у сям’і вядомых акцёраў — Эрыка Томпсана і Філіды Ло. Сястра Эмы — Сафі Томпсан — таксама актрыса.
Падчас вучобы ў Кембрыджскім універсітэце ўдзельнічала ў пастаноўках сцэнак на камічныя сюжэты. Па заканчэнні курсу ўступіла ў трупу Renaissance Theatre Company. На працягу 1980-х стала вядомая ў якасці адной з самых шматспадзеўных маладых акрыс на лонданскай сцэне. Акрамя выканання роляў з шэкспіраўскага рэпертуару, здымалася ў гістарычных серыялах для BBC.