Эдвард Хэлет «Тэд» Кар (англ.: Edward Hallett “Ted” Carr, 28 чэрвеня 1892, Лондан — 3 лістапада 1982, Лондан) — брытанскі гісторык, журналіст і даследчык міжнародных адносін, праціўнік эмпірызму ў гістарыяграфіі. Камандор ордэна Брытанскай імперыі. Як навуковец вядомы чатырнаццацітомным даследаваннем «Гісторыя Савецкай Расіі», якое змяшчае ўсебаковую ацэнку савецкай гісторыі з 1917 па 1929 года, за даследаванні міжнародных адносін і за кнігу «Што такое гісторыя?», якая выйшла ў 1961 годзе.