У гэтага паняцця ёсць і іншыя значэнні, гл. Шумск (значэнні). Шумск (укр.: Шумськ) — горад у Цярнопальскай вобласці Украіны.
Упершыню згаданы пад 1149 года Іпацьеўскім летапісам, як горад ў Валынскай зямлі ў Пагарыні. У сярэдзіне — 2-й палове 12 ст. горад прадмет спрэчак паміж Мсціславічамі і сям’ёй Юрыя Далгарукага. У 2-й палове 12 — 1-й траціне 13 ст. Шумск перыядычна быў цэнтрам княскага ўдзелу. У 1220-я гады галіцкі князь Даніла Раманавіч далучыў Шумскае княства да сваіх уладанняў.
Тыповае для старажытнарускага часу гарадзішча размешчана на рацэ Віліі, прытоку Гарыні. Захавалася частка валоў.