Чумы́ш (руск.: Чумы́ш[1]) — рака ў Кемераўскай вобласці і Алтайскім краі Расіі, правы прыток ракі Об.
Даўжыня ракі 644 км, плошча вадазборнага басейна 23 900 км². Бярэ пачатак на Салаірскім кражы ў Кемераўскай вобласці двума вытокамі: Кара-Чумыш і Том-Чумыш. У вярхоўях з парогамі, каля вусця разбіваецца на 2 рукавы. Упадае ў Об за 88 км ніжэй горада Барнаул. Пераважна працякае па Бійска-Чумышскім узвышшы. Правабярэжную частку басейна (68 % плошчы) займае паўднёва-заходняя частка Салаірскага кража і Перадсалаірская раўніна. Жыўленне пераважна снегавое. Расход вады за 74 км ад вусця складае 146[1] м³/с. Замярзае ў 1-й палове лістапада.