У Вікіпедыі ёсць артыкулы пра іншых людзей з імем Абат.
Чарлз Грылі Абат (англ.: Charles Greeley Abbot, 31 мая 1872 — 17 снежня 1973) — амерыканскі астраном, спецыяліст па фізіцы Сонца і па вывучэнні і выкарыстанні сонечнай энергіі. Член Нацыянальнай АН у Вашынгтоне.
Даследаваў інфрачырвоную частку сонечнага спектру. Рабіў вызначэнні сонечнай пастаяннай, даследаваў размеркаванне энергіі ў спектры Сонца і зорак сканструяванымі ім спектрабаламетрам і радыёметрам. У 1895 г. скончыў Масачусецкі тэхналагічны інстытут. У 1907—1944 дырэктар Смітсанаўскай астрафізічнай абсерваторыі; а ў 1928—1944 — сакратар Смітсанаўскага інстытута.