Ціфані Арыяна Трамп (англ.: Tiffany Ariana Trump; нар. 13 кастрычніка 1993, Нью-Ёрк) — амерыканская мадэль і спявачка. Дачка прэзідэнта ЗША Дональда Трампа і яго другой жонкі, Марлы Мейплз.
Бацькі назвалі яе ў гонар ювелірнай кампаніі Tiffany & Co. Яна выхоўвалася маці ў Каліфорніі, скончыла школу ў Калабасасе. Да 2016 года вывучала сацыялогію і ўрбаністыку ў Пенсільванскім універсітэце. У 2014 годзе, падчас вучобы ва ўніверсітэце, выпусціла музычны сінгл «Like a Bird». Працавала стажорам у часопісе Vogue і была мадэллю на паказе мод Эндру Уорэна падчас Тыдня моды ў Нью-Ёрку ў 2016 годзе.
Актыўная на Instagram, дзе мае больш за 500 тыс. падпісчыкаў.
Была адным са спікераў рэспубліканскай канвенцыі ў 2016 годзе. Актыўна агітавала за свайго бацьку на прэзідэнцкіх выбарах.