У Вікіпедыі ёсць артыкулы пра іншых асоб з прозвішчам Рамашкін. Цімафей Цярэнцьевіч Рамашкін (15 красавіка 1919, вёска Марчанкі, Гарадоцкі раён, Віцебская вобласць — 8 студзеня 1954) — лётчык, Герой Савецкага Саюза.
Працаваў на цагельным заводзе, жыў у Северадзвінску. У 1938 г. скончыў Ленінградскі аэраклуб. У Чырвонай Арміі 3 1938 г. Скончыў Ульянаўскую авіятэхнічную школу. Удзельнічаў у савецка-фінляндскай вайне 1939—1040 гг. Пасля звальнення ў запас у 1940 г. працаваў у грамадзянскай авіяцыі ў Ленінградзе. У Вялікую Айчынную вайну ўдзельнік абароны Ленінграда. Пасля вайны працаваў у грамадзянскім паветраным флоце, старшы тэхнік-лейтэнант у Эстонскім авіяпрадпрымстве.
Калі самалёт выконваў рэйс Талін — Ленінград, у кабіну пілотаў уварваліся ўзброеныя бандыты, якія хацелі захапіць самалёт. Выкарыстаўшы момант, Ц. Ц. Рамашкін збіў аднаго бандыта з ног і абясшкодзіў яго. Але сам быў смяротна паранены. Камандзір экіпажа і другі пілот абяззброілі другога бандыта. Пахаваны Рамашкін Ц. Ц. у Таліне. Званне Героя Савецкага Саюза прысвоена 25.11.1954 г.