Цяньгушаўскі раён (руск.: Теньгушевский район, эрз.: Теньгушбуе, макш.: Теньгжелень аймак) — адміністрацыйна-тэрытарыяльная адзінка на захадзе Мардовіі ў Расіі. Адміністрацыйным цэнтрам з’яўляецца сяло Цяньгушава.
Цяньгушаўскі раён геаграфічна размешчаны на паўночным захадзе Рэспублікі Мардовія і мяжуе з Разанскай і Ніжагародскай абласцямі. Па тэрыторыі раёна працякае самая буйная рака Мардовіі Мокша (на тэрыторыі раёна працягласць яе 58 км). Немалую плошчу займаюць азёры: Вялікае Такушэўскае, Мардоўскае, Піяўскае, Вялікае Кураеўскае і іншыя.
Утвораны 16 ліпеня 1928 года.