wd wp Пошук: ⬜

Хуан Біньхун

Хуан Біньхун (27 студзеня 1865, Цзіньхуа, Чжэцзян, Дынастыя Цын — 25 сакавіка 1955, Ханчжоу, Чжэцзян, КНР) — кітайскі мастак, аўтар шэрагу кніг па гісторыі мастацтваў.

Біяграфія

Нарадзіўся 27 студзеня 1865 у Цзіньхуа правінцыі Чжэцзян Дзяржавы Вялікая Цын. Яго продкі паходзілі з павета Шэсянь правінцыі Аньхой.

У дзяцінстве навучаўся разьбе, жывапісу. Пачынаў з капіравання пейзажаў класічных кітайскіх мастакоў.

З 1907 па 1937 год жыў у Шанхаі. Першыя 20 гадоў працаваў у газетах, быў журналістам, рэдактарам. Потым быў прыняты прафесарам у Школу мастацтваў Шанхая.

У 1937 годзе пераехаў у Пекін. Працаваў прафесарам Каледжа мастацтваў Пекіна.

У 1948 годзе вярнуўся ў родную правінцыю ў горад Ханчжоу, дзе стаў прафесарам Нацыянальнай акадэміі мастацтваў.

У апошнія гады жыцця стаў намеснікам старшыні Усходне-Кітайскага аддзялення Саюза кітайскіх мастакоў.

Памёр 25 сакавіка 1955 года ў Ханчжоу, дзе і пахаваны.

Зноскі

1 2 Huang Binhong // Encyclopædia Britannica Праверана 9 кастрычніка 2017.
1 2 Huang Binhong // Grove Art Online / J. Turner — [Oxford, England], Houndmills, Basingstoke, England, New York: OUP, 1998. — ISBN 978-1-884446-05-4
1 2 The Fine Art Archive — 2003. Праверана 1 красавіка 2021.