Хенамелес лагенарыя[3][4] (Chaenomeles speciosa) — від раслін сямейства Ружавыя.
У англійскай мове расліну называюць японская айва (англ.: Japanese quince).
Магутны лістападны шырокі куст 3-5 м вышынёй, з густымі галінамі з шыпамі і авальным бліскучым цёмна-зялёным лісцем 4-9 см даўжыні. Па будове падобная на айву (Cydonia). Расліна характэрная тым, што пачынае цвіценне ў канцы зімы да таго, як з’яўляецца лісце. Ярка чырвоныя або малінавыя кветкі з’яўляюцца групамі па 2-4. Яны маюць па 5 пялёсткаў, кожная кветка 4,5 см у дыяметры. Апыляецца пчоламі. Плод жоўты і духмяны, але не ядомы.
Аддае перавагу вільготным, добра дрэнаваным глебам. Расце ва Усходняй Азіі і Кітаі, аднак культывуецца па ўсім свеце.
Культывуецца як і больш папулярны від хенамелес японскі (Chaenomeles japonica). Выкарыстоўваецца для жывой загарадзі. Цэніцца за свае кветкі. Існуе некалькі культурных сартоў:
An Illustrated Identifier and Encyclopedia of Wild Flowers and Flora: An authoritative guide to more than 750 wild flowers of the world
// Hermes House, 2006—256 p. — P. 54 ISBN 10: 1846810213 ISBN 13: 9781846810213