Хасэ Сальчага Зала (ісп.: José Solchaga Zala; 1881 — 1953) — іспанскі ваенны дзеяч, генерал. Падчас грамадзянскай вайны 1936—1939 гадоў змагаўся на баку нацыяналістаў.
З’яўляўся ўраджэнцам Навары. Яшчэ пры манархіі ўступіў у шэрагі іспанскай арміі, стаўшы прафесійным афіцэрам.
У 1936 годзе далучыўся да паўстання правых сіл супраць рэспубліканскага ўрада «Народнага фронту». Падчас бунту ўзначаліў наварскія войскі ў Гіпускааскай аперацыі. 5 жніўня 1936 года яго войскі занялі Ірун, а 13 верасня наблізіліся да французскай мяжы[5] і Сан-Себасцьяна[6]. За гэта Сальчага атрымаў званне генерала. Пазней ён камандаваў нацыяналістычнымі войскамі падчас Біскайскай кампаніі[7]. У жніўні 1937 года кіраваў наварскімі брыгадамі ў бітве пры Сантандэры[8], а ў верасні быў адным з камандзіраў нацыяналістаў падчас баёў за Астурыю[9]. У сакавіку 1938 года кіраваў наварскімі дывізіямі ў Арагонскім наступленні[10]. У чэрвені 1938 года ўзначаліў армейскі корпус «Турыя» ў баях на лініі XYZ[11]. У снежні 1938 года Салачага ўзначаліў Наварскі армейскі корпус у Каталонскай аперацыі[12], а ў сакавіку 1939 года — у заключным наступленні грамадзянскай вайны[13].