Ханс Вернер Хенцэ (ням.: Hans Werner Henze; 1 ліпеня 1926, Гютэрсла — 27 кастрычніка 2012, Дрэздэн) — нямецкі кампазітар. Член-карэспандэнт АМ ГДР (1968), ганаровы член Лонданскай каралеўскай акадэміі музыкі (1975).
Вучыўся ў В.Фортнера, Р.Лейбавіца. З 1953 года ў Італіі. Выкарыстоўваў розныя віды кампазіцыйнай тэхнікі. Аўтар опер «Кароль-Алень» (пастаноўка 1956), «Элегія маладым закаханым» (пастаноўка 1961), «Малады лорд» (пастаноўка 1965), «Сёмы крыж» (пастаноўка 1998); балетаў «Ідыёт» (пастаноўка 1952), «Салавей імператара» (пастаноўка 1959); сімфоній і камерных твораў. Выступаў як дырыжор і музычны крытык.