Філіп-Людвіг-Стацый Мюлер (ням.: Philipp Ludwig Statius Müller) — нямецкі тэолаг, заолаг.
Стацый Мюлер (псеўданім — Philipp Alethophilus) вывучаў тэалогію і філасофію з 1741 па 1744 гады ў Ене. 30 кастрычніка 1745 года ён стаў прапаведнікам лютэранскай абшчыны Амерсфарта. У 1749 годзе яго запрасілі ў Леувардэн. З-за абвінавачванняў, што ён нібы сімпатызаваў Бальтазару Бекеру, у 1754 годзе адбыўся разрыў з царквой. Стацый Мюлер прыняў запрашэнне ўніверсітэта Эрлангена, дзе ён чытаў лекцыі па логіцы, метафізіцы, рыторыцы, палітыцы, нідэрландскай мове, эканамічным (камералістыка) і прыродазнаўчым навукам, такім як батаніка, фітатэрапія і геаграфія. Яго кантакты, якія засталіся ў Нідэрландах, зрабілі магчымым стварэнне прыродазнаўчага музея.
Паміж 1773 і 1776 гадамі ён апублікаваў нямецкія пераклады Systema Naturae Карла Лінея. Дадатак ад 1776 года ўтрымлівала першую навуковую сістэматыку вялікай колькасці відаў жывёл, сярод якіх гуанака, звычайны пота, дзюгонь, сент-люсійскі амазон і філіпінскі какаду.