Дзюгонь (Dugong dugon) — воднае млекакормячае сямейства дзюгоневых атрада сірэн; адзіны від.
Даўжыня цела 2,5-3,2 м (да 5,8 у самцоў), маса да 170 кг. Тулава верацёнападобнае. Спіна зеленаватая, шаравата-бураватая або чарнаватая, бруха ружаватае або белаватае. Хваставы плаўніх двухлопасцевы, гарызантальны. Галава невялікая, маларухомая. У кожнай сківіцы 1 пара разцоў і 2 пары карэнных зубоў. У самцоў верхнія разцы ператварыліся ў біўні даўжынёю 20-25 см.
Жыве ў Індыйскім і заходняй частцы Ціхага акіяна, каля берагоў Усходняй Афрыкі, Паўднёвай Азіі, а-воў Рукю, Маршалавых і Саламонавых. Зрэдку заходзіць у вусці рэк.
Занесена ў Чырвоную кнігу МСАП.
Трымаецца па адным або парамі. Корміцца воднай расліннасцю. Нараджае 1 дзіцяня.
Тэмы гэтай старонкі (5):