Фізаліс звычайны
Фізаліс звычайны (Physalis alkekengi) — адзін з відаў фізаліса. У дэкаратыўным садаводстве звычайна выкарыстоўваюць разнавіднасць Physalis alkekengi var. franchetii (Mast.) Makino [syn. Physalis franchetii Mast.] — Фізаліс Франшэ.
Арэал
Радзіма — Цэнтральная Амерыка і паўднёвы ўсход Паўночнай Амерыкі. Пазней ён быў занесены ў Паўднёвую Еўропу, далей від распаўсюдзіўся на ўсход да Кітая і Японіі. Фізаліс звычайны больш устойлівы да пахаладання, чым іншыя віды фізаліса.
Апісанне
Фізаліс звычайны — кветкавая травяністая шматгадовая расліна вырастае да 40—60 см, з лісцем 6—12 см даўжынёй і 4—9 см шырынёй. Кветкі белыя, пяцілопасцевыя. Чашачка пасля адцвіцення разрастаецца, чырванее (або робіцца аранжавай), застаецца пры ягадападобным чырвоным плодзе ў выглядзе ўздутай бурбалкі, велічынёй часам з курынае яйка.
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
Спасылкі
- Физалис обыкновенный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Катэгорыя·Расліны, апісаныя ў 1753 годзе
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Біялагічныя артыкулы без NCBI
Катэгорыя·Паслёнавыя (падсямейства)
Катэгорыя·Расліны паводле алфавіта