У Вікіпедыі ёсць артыкулы пра іншых асоб з прозвішчам Кулікоў. Фёдар Фёдаравіч Кулікоў (15 красавіка 1914, в. Ігодава, Кастрамская вобласць — 16 снежня 1979, г. Мінск) — Герой Савецкага Саюза (1945)
Вызваляў у 1944 годзе горад Старыя Дарогі і Старадарожскі раён. За мужнасць і гераізм, праяўленыя ў гады Вялікай Айчыннай вайны, у 1945 годзе прысвоена званне Героя Савецкага Саюза.
Пасля вайны больш як 30 год працаваў у Старадарожскім раёне. Спачатку ваенным камісарам раёна, пасля выхаду ў запас — старшынёй выканаўчага камітэта Старадарожскага гарадскога Савета народных дэпутатаў, выкладчыкам пачатковай ваеннай падрыхтоўкі ў сярэдняй школе № 1 г. Старыя Дарогі.
Узнагароджаны ордэнам Леніна, ордэнам Чырвонага Сцяга, ордэнам Айчыннай вайны 2-й ступені, двума ордэнамі Чырвонай Зоркі, медалямі. Занесены ў Кнігу Народнай Славы раёна.
Яго імя носяць вуліцы ў горадзе Старыя Дарогі і ў пасёлку Астроускі Кастрамской вобласці.