У Вікіпедыі ёсць артыкулы пра іншых асоб з прозвішчам Нікіцін. Фёдар Пракопавіч Нікіцін (13 красавіка 1913, вёска Шпілёўшчына[1], Кіраўскі раён, Магілёўская вобласць — 3 лістапада 1979) — Герой Савецкага Саюза (1945).
Беларус. Пасля службы ў Чырвонай Арміі працаваў брыгадзірам паляводчай брыгады (1935—1937). У 1939 г. зноў прызваны ў армію. Удзельнічаў у вызваленчым паходзе ў Заходнюю Беларусь і савецка-фінляндскай вайне 1939—1940 гг.
У гады Вялікай Айчыннай вайны баец 540-га партызанскага атрада. З 1944 г. на фронце. Камандзір аддзялення аўтаматчыкаў вызначыўся пры вызваленні Чавускага раёна ў чэрвені 1944 г.: прабраўся ў тыл ворага і знішчыў каля 100 гітлераўцаў. За подзвіг, здзейснены ля вёскі Падгор’е, прысвоена званне Героя Савецкага Саюза (24.03.1945). Пасля вайны жыў і працаваў у Бабруйску.