wd wp Пошук: ⬜

Фёдар Паўлавіч Рашэтнікаў

У Вікіпедыі ёсць артыкулы пра іншых асоб з прозвішчам Рашэтнікаў.

Фёдар Паўлавіч Рашэтнікаў (руск.: Фёдор Па́влович Реше́тников, 15(28) ліпеня 1906 — 13 снежня 1988) — савецкі жывапісец і графік. Адзін з галоўных прадстаўнікоў сацыялістычнага рэалізму. Народны мастак СССР (1974). Сапраўдны член Акадэміі мастацтваў СССР з 1953 года, віцэ-прэзідэнт (у 1974—1987 гадах). Лаўрэат двух Сталінскіх прэмій (1949, 1951).

Біяграфія

Нарадзіўся ў вёсцы Сурска-Літоўскім, Екацерынаслаўскай губерні Расійскай імперыі (Днепрапятроўская вобласць Украіны) у сям’і іканапісца.

Працаваў у клубе чыгуначнікаў станцыі Грышын у Днепрапятроўскай вобласці УССР. Вучыўся на рабфаку мастацтваў у Маскве, паступіў у Вышэйшыя мастацка-тэхнічныя майстэрні, дзе займаўся ў 1929—1934 гадах, у прыватнасці, у Д. С. Маора.

Удзельнічаў у арктычнай экспедыцыі на параходзе «Чалюскін». Член ВКП(б) з 1945 года. Сукупны наклад паштовак з рэпрадукцыяй карціны Ф. П. Рашэтнікава «Прыбыў на вакацыі» (1948, Траццякоўская галерэя) склаў звыш 13 мільёнаў асобнікаў. Гэта больш, чым наклад якой-небудзь іншай паштоўкі, выпушчанай на той момант у Савецкім Саюзе.

Іншай вядомай карцінай мастака з’яўляецца палатно «Ізноў двойка» (1952).

Літаратура

Рашэтнікаў Фёдар Паўлавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.