wd wp Пошук: ⬜

Функцыянальнае тэставанне

Функцыянальнае тэставанне (англ. - functional testing) - гэта працэс праверкі праграмнага забеспячэння (частка працэса забеспячэння яго якасці (quality assurance)), сканцэнтраваны на аналізе адпаведнасці ПЗ патрабаванням і спецыфікацыям.

Функцыянальнае тэставанне можа быць ручным альбо аўтаматызаваным.

Функцыянальнае тэставанне ўключае наступныя крокі:

1. Вызначэнне функцый, што праграмнае забеспячэнне павінна выконваць.
2. Стварэнне ўваходных і выходных даных на аснове спецыфікацый (стварэнне тэст-кейсаў).
3. Выкананне тэст-кейсаў.
4. Параўнанне фактычных і чаканых вынікаў (напісанне баг-рапартаў).

Функцыянальнае тэставанне будзе больш эфектыўным, калі ўмовы выпрабаванняў (тэст-кейсы) будуць стварацца непасрэдна з бізнес-патрабаванняў (business requirements) ці патрабаванняў карыстальнікаў (user requirements). Калі ж умовы выпрабаванняў ствараюцца з сістэмнай дакументацыі (сістэмных патрабаванняў (system requirements) альбо дызайн-дакументаў (design documents)), дэфекты ў гэтай дакументацыі не будуць знойдзены шляхам тэставання, і гэта можа быць прычынай абурэння канчатковых карыстальнікаў, калі яны пачнуць выкарыстоўваць праграмны прадукт.[1]

Мэты функцыянальнага тэставання

• Знайсці дэфекты (багі) у праграмным прадукце.
• Вызначыць ступень адпаведнасці праграмнага прадукту патрабаванням і чаканням замоўцы.
• Прыняць рашэнне аб магчымасці перадачы прадукту замоўцу.

Узроўні функцыянальнага тэставання

• Smoke test - самы першы і хуткі ўзровень. Калі тэсты гэтага ўзроўню не праходзяць, тэставанне спыняецца.
• Critical path test - праверка такіх функцый дастасавання, з якімі звычайны карыстальнік працуе ў паўсядзённым жыцці.
• Extended test - поўная праверка дастасавання на адпаведнасць ўсім патрабаванням.

Гл. таксама

• Тэставанне праграмнага забеспячэння

Зноскі

1. ↑ http://softwaretestingfundamentals.com/functional-testing/

Тэмы гэтай старонкі (2):
Катэгорыя·Тэставанне праграмнага забеспячэння
Катэгорыя·Вікіпедыя·Ізаляваныя артыкулы/сірата0