У гэтага паняцця ёсць і іншыя значэнні, гл. Бофарт.
Сэр Фрэ́нсіс Бо́фарт (англ.: Francis Beaufort, 7 мая 1774 — 17 снежня 1857) — брытанскі адмірал, ваенны гідрограф і картограф.
Распрацаваў ў 1805 годзе дванаццацібальную шкалу для ацэнкі хуткасці ветру па яго ўздзеянні на наземныя прадметы і па хваляванні мора. У 1838 годзе шкала Бофарта прынятая на брытанскім флоце, а потым маракамі ўсяго свету. У 1829—1855 гадах кіраваў гідраграфічнай службай Вялікабрытаніі. У гонар Бофарта названа мора Бофарта ў Паўночным Ледавітым акіяне каля берагоў Канады і Аляскі, а таксама востраў у Антарктыцы.