wd wp Пошук: ⬜

Фрай Ота

У Вікіпедыі ёсць артыкулы пра іншых асоб з прозвішчам Ота.

Фрай Паўль Ота (ням.: Frei Paul Otto; 31 мая 1925 — 9 сакавіка 2015) — нямецкі архітэктар

Атрымаў сусветнае прызнанне як стваральнік тэнтавых і мембранных канструкцый, якія ён ужываў у сваіх збудаваннях.

Біяграфія

Нарадзіўся 31 мая 1925 года ў горадзе Зігмар (цяпер раён Хемніца, Германія) у сям’і скульптара[5].

У 1931—1943 гадах вучыўся ў школе Цэлендорфа (Берлін) на муляра[6].

Да прызыву ў люфтвафэ вывучаў архітэктуру ў Берліне. У канцы Другой сусветнай вайны ваяваў як лётчык-знішчальнік.

Быў інтэрнаваны ў французскі лагер для ваеннапалонных. У час будаўніцтва гэтага лагера яму ўдалося праявіць сябе ў якасці інжынера-канструктара, прапанаваўшы некалькі праектаў пабудоў з палегчаных канструкцый, якія былі рэалізаваны (у прыватнасці — палаткі для хованкі).

Вызваліўшыся, Фрай Ота паступіў у Берлінскі тэхнічны ўніверсітэт, які скончыў у 1950 годзе з дыпломам архітэктара. Затым нядоўгі час стажыраваўся ў ЗША, дзе сустракаўся з такімі архітэктарамі, як Эрых Мендэльсон, Людвіг Міс ван дэр Роэ, Рыхард Нойтра і Фрэнк Лойд Райт.

Сваю архітэктурную дзейнасць Ота пачаў у Германіі ў 1952 годзе, заснаваўшы ўласнае архітэктурнае бюро ў Цэлендорфе. У 1954 годзе ён атрымаў доктарскую ступень за збудаванні з падвесных (нацягнутых) канструкцый.

У 1964 годзе Ота заснаваў Інстытут лёгкіх канструкцый Штутгарцкага ўніверсітэта і ўзначальваў яго як прафесар да выхаду на пенсію. На пенсіі актыўна працаваў як архітэктар, інжынер і кансультант.

Памёр 9 сакавіка 2015 года.

Некаторыя працы

1967 год — павільён Заходняй Германіі на «Экспа-1967» у Манрэалі.
1972 год — дах Алімпійскага стадыёна ў Мюнхене.
1985 год — будынак Tuwaiq Palace у Саудаўскай Аравіі (сумесна з бюро Хапалда).
2000 год — дах японскага павільёна на «Экспа-2000» у Гановеры.

Некаторыя ўзнагароды

1974 год — медаль Томаса Джэферсана ў вобласці архітэктуры.
1980 і 1998 — прэмія Ага-хана ў архітэктуры.
1990 год — Прэмія Хонда
1996 год — Прэмія Вольфа ў архітэктуры.
2005 год — залаты медаль RIBA (Каралеўскі Інстытут Брытанскіх Архітэктараў).
2006 год — Імператарская прэмія ў архітэктуры.
2015 год — Прытцкераўская прэмія.

Гл. таксама

Уладзімір Рыгоравіч Шухаў

Зноскі

↑ Frei Otto
1 2 Frei Otto // Encyclopædia Britannica Праверана 9 кастрычніка 2017.
↑ Frei Otto // Structurae — Ratingen: 1998. Праверана 9 кастрычніка 2017.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118590812 // Агульны нарматыўны кантроль — 2012—2016. Праверана 2 красавіка 2015.
↑ Ярмоленко А. Д. Архитектура висячих покрытий Фрая Отто // Общество. Среда. Развитие (Terra Humana) : Журна. — СПб.: «Центр научно-информационных технологий «Астерион», 2009. — В. 3. — С. 73—80. — ISSN 1997-5996.
↑ Фрай Ота.

Спасылкі

Афіцыйны сайт Фрая Ота
Frei Paul Otto (англ.)
Architekt von internationalem Renommée (ням.)
Ausstellung des Architekturmuseums zu Frei Otto (ням.)