Уладзімір Рыгоравіч Шухаў (руск.: Влади́мир Григо́рьевич Шу́хов, 16 [28] жніўня 1853, Грайваран — 2 лютага 1939) — расійскі інжынер, архітэктар, вынаходнік, вучоны; член-карэспандэнт (1928) і ганаровы член (1929) Акадэміі навук СССР, лаўрэат прэміі імя У. І. Леніна (1929), Герой Працы (1932). З’яўляецца аўтарам праектаў і тэхнічным кіраўніком будаўніцтва першых расійскіх нафтаправодаў (1878) і нафтаперапрацоўчага завода з першымі расійскімі ўстаноўкамі крэкінгу нафты (1931). Унёс значны ўклад у тэхналогіі нафтавай прамысловасці і трубаправоднага транспарту.