У Вікіпедыі ёсць артыкулы пра іншых асоб з прозвішчам Сасюр.
Фердынанд дэ Сасюр (фр.: Ferdinand de Saussure, 26 лістапада 1857, Жэнева - 22 лютага 1913) — швейцарскі лінгвіст, заклаў асновы семіялогіі і структурнай лінгвістыкі, стаяў ля вытокаў Жэнеўскай лінгвістычнай школы. Ідэі Фердынанда дэ Сасюра, якога часта называюць «айцом» лінгвістыкі XX стагоддзя, аказалі істотны ўплыў на гуманітарную думку XX стагоддзя ў цэлым, натхніўшы нараджэнне структуралізму. Асноўная праца Ф. дэ Сасюра - «Курс агульнай лінгвістыкі» (фр. «Cours de linguistique générale»).