wd wp Пошук: ⬜

Фалклендскі бой

Гэта артыкул пра марскую бітву Першай сусветнай вайны. Яго не варта блытаць з Фалклендскай вайной паміж Вялікабрытаніяй і Аргенцінай 1982 года.

Бітва ля Фалклендскіх астравоў (англ.: Battle of the Falkland Islands, ням.: Seegefecht bei den Falklandinseln) — марская бітва Першай сусветнай вайны, якая адбылася 8 снежня 1914 года паміж германскай крэйсерскай эскадрай віцэ-адмірала Максіміліяна фон Шпее і англійскай эскадрай віцэ-адмірала Доветана Стэрдзі каля Фалклендскіх астравоў.

Камандуючы нямецкай эскадрай, якая складалася з двух браняносных («Шарнхорст», «Гнейзенау») і трох лёгкіх[заўв. 2] («Дрэздэн», «Нюрнберг», «Лейпцыг») крэйсераў, двух транспартаў і шпітальнага судна, прыняў рашэнне зрабіць удар па англійскай ваенна-марской базе Порт-Стэнлі на Фалклендскіх астравах, але нечакана выявіў на рэйдзе моцную англійскую эскадру, якая прыбыла туды напярэдадні. Англійская эскадра складалася з аднаго эскадранага браняносца, двух лінейных крэйсераў, трох браняносных і двух лёгкіх крэйсераў. Сустрэўшы нечакана моцнага праціўніка, Шпее спрабаваў збегчы, аднак англійскія караблі нагналі германскую эскадру. Шпее загадаў лёгкім крэйсерам і транспартам сыходзіць у розных кірунках. Іх сталі пераследваць англійскія браняносныя і лёгкія крэйсеры, а лінейныя крэйсеры ўступілі ў бой з германскімі браняноснымі крэйсерамі і патапілі іх. Былі таксама знішчаны два лёгкіх германскіх крэйсеры і транспарты. Толькі крэйсеру «Дрэздэн» і шпітальнаму судну атрымалася ўкрыцца.

Зноскі

↑ З экіпажа «Шарнхорста» ніхто не выжыў, таму дакладная колькасць загінулых на ім не вядома. Прыкладна яна ацэньваецца ў 860 чалавек.
↑ Па афіцыйнай класіфікацыі ў германскім флоце лёгкіх крэйсераў не было, і ўсе тры крэйсеры адносіліся да класа «малых крэйсераў» (ням.: Kleiner Kreuzer). Гэтаму класу ў брытанскім флоце адпавядаў клас лёгкіх крэйсераў, таму для выгоды супастаўлення ў артыкуле гэтыя крэйсеры завуцца лёгкімі. Крэйсеры тыпу «Шарнхорст» таксама браняноснымі названы толькі ўмоўна і па афіцыйнай класіфікацыі адносіліся да «вялікіх крэйсераў» (ням.: Grosser Kreuzer)

Літаратура

Raeder E. Der Kreuzerkrig im ausländishen Gewässer / Eberhard von Mantey. — 2. verbesserte Auflage. — Berlin: E. S. Mittler & Sohn, 1927. — Т. B. 1: Das Kreuzergeschwader. — 460 S. — (Der Krieg zur See 1914—1918). (ням.)

Спасылкі

На Вікісховішчы ёсць медыяфайлы па тэме Фалклендскі бой
Battle of the Falkands, 8 December 1914. Diary of Capt. J D Allen, RN, HMS Kent/(англ.) (недаступная спасылка). — Дзённік капітана Дж. Д. Алена, капітана браненоснага крэйсера «Кент». Архівавана з першакрыніцы 15 сакавіка 2012. Праверана 9 сакавіка 2012.
George H. J. Hanks, S.B.A., HMS Carnarvon. Memoir 1914—1915(англ.) (недаступная спасылка). — Успаміны пра бой Дж. Хэнкса, члена экіпажа браненоснага крэйсера «Карнаван». Архівавана з першакрыніцы 10 мая 2012. Праверана 9 сакавіка 2012.