wd wp Пошук: ⬜

Фаланстэр

Моладзевая арганiзацыя “Фаланстэр” — маладзёжная арганізацыя, заснаваная ў канцы 2010 года ў Мінску, з’явілася як працяг ініцыятывы супольнасці «Забей». Пазіцыяніруе сябе як інтэлектуальная пляцоўка, якая камбінуе дзейнасць навуковых і асветніцкіх гурткоў, лекцый, дыскусій з практычна арыентаванымі дзеяннямі па прасоўванню новых форм арганізацыі моладзі.

Мэты

Арганiзацыя ставiць сваёй мэтай стварэнне асновы i ўмоў для ўстойлiвага развiцця асветнiцкага, грамадзянскага, культурнага боку беларускага грамадства праз прымяненне лiчбавых тэхналогiй у жыццi людзей i супольнасцяў.

Дзейнасць

Асноўныя кiрункi дзейнасці:

захаванне адкрытых і свабодных ведаў,
дапамога розным супольнасцям у наладжваннi ўнутраных камунікацый з выкарыстаннем адкрытага праграмнага забеспячэння,
падтрымка юрыдычных інструментаў, якія дапамагаюць абараняць веды ад пагроз,
арганізацыя інтэлектуальных публічных мерапрыемстваў.

Арганізацыя з’яўляецца сузаснавальнікам Young Pirates of Europe

Клубы

На базе “Фаланстэра” iснуе шэраг адукацыйных клубаў.[1]

Drupal-клуб

Drupal-клуб — клуб па вывучэннi сістэмы сайтабудаўніцтва Drupal. Падчас дзейнасці клуба было рэалізавана некалькі сайтаў для некамерцыйных праектаў — Пірацкі Цэнтр [2] і Каталог могілак. Апроч таго, Drupal-клуб праводзіць Drupal-злёты і адзначае Глабальныя дні вывучэння Drupal.

Феміда Фаланстэра

Феміда Фаланстэра — клуб па вывучэнні права. Адміністрацыйнае, крымінальнае, аўтарскае права, капірайт і правы чалавека — асноўныя тэмы. Падчас дзейнасці клуба быў створаны «Дапаможнік раварыста».

Linux-клуб

Linux-клуб — клуб па вывучэнні адкрытай аперацыйнай сістэмы Linux і іншых opensource прыкладанняў. На сустрэчах клуба разглядаюцца тэарэтычныя пытанні і вырашаюцца практычныя задачы, якiя паўстаюць падчас працы з Linux-сiстэмамi.

Кібер Кіно. Кінабункер 4.0-beta

Кібер Кінабункер - клуб аматараў лічбавых тэхналогіяў у сучасным жыцці. На сустрэчах клуба праглядаюцца стужкі на тэму кіберпанку, антыўтопіяў і камп’ютараў, абмяркоўваюцца тэмы праглядаў, развіваюцца магчымыя сцэнары бачання будучыні Беларусi ў глабалізаваным лічбавым свеце.

800x600

800x600 - клуб, які займаецца асветай людзей на прасунутым узроўні валодання камп’ютарам. На базе клуба разглядаюцца:

адкрытыя аперацыйныя сістэмы,
праграмы з адкрытым зыходным кодам,
гульні па-за залежнасцю ад платформы,
цікавыя девайсы.

Мэш-клуб

Мэш-клуб - клуб па вывучэннi і развіццi вайфай і мэш-сетак у беларускiм грамадстве. На сустрэчах клуба разглядаецца пабудова вайфай-сетак, даследуюцца мэш-тэхналогіі i iх практычнае прымяненне.

Ars nova. Лічбавае мастацтва

Ars nova. Лічбавае мастацтва - клуб па вывучэннi open source графічных праграм. На сустрэчах клуба засвойваецца праца з адкрытымі графічнымі прыладамі Gimp i InkScape.

Моўныя клубы (англійская, нямецкая)

The Falanster’s Speakers Club — клуб рыторыкі англійскай мовы. Асноўныя прынцыпы клуба:

адукацыя, якая кіруецца навучэнцамі, а не выкладчыкамі,
ролевая структура для актыўнага ўдзела кожнага навучэнца,
самастойнае абіранне формы і фармата навучання (выступы, дэбаты, пастаноўкі і г.д.),
праца ў камандзе і ўзаемадапамога,
ацэнка сваіх поспехаў на падставе самастойна распрацаваных крытэраў.

Wild.de - клуб рыторыкі нямецкай мовы.

Праекты

Праекты “Фаланстэра” — увасабленне розных кiрункаў дзейнасцi арганiзацыi з мэтай уплыву на сацыяльнае, культурнае, эканамічнае і палітычнае жыццё грамадства. Праекты “Фаланстэра” будуюцца паводле прынцыпаў адкрытых супольнасцяў. Усё матэрыялы арганізацыі трымаюцца капілефт-падыходу і публікуюцца пад ліцэнзіяй Creative Commons BY-SA (3.0 ці 4.0)

Вікіфiкацыя

Вікіфiкацыя - праект арганiзацыi, напраўлены на ўмацаванне вікіпедыйнай супольнасці Беларусi (мерапрыемствы ў розных гарадах i мястэчках краiны[3], прыцягненне валанцёраў[4][5][6], праца з медыя-прасторай і піярам дадзенага кiрунка).

Перыядычна “Фаланстэр” ладзіць Вікі-дні, мэта якіх развіццё і прасоўванне адкрытых ведаў, а таксама дадаванне артыкулаў і рэдагаванне беларускага раздзелу Вікіпедыі.[7]

У 2016 г. скончана праца па стварэннi «Вікі-дапаможніка» - брашуры-iнструкцыi для пачаткоўцаў — рэдактараў Вікіпедыі[8]

“Фаланстэр” падтрымлiвае мiжнародны конкурс “Віківясна-2016”[9]

Дапаможнік раварыста

У межах клуба «Феміда Фаланстэра» ў 2013 г. быў створаны «Дапаможнік раварыста»(недаступная спасылка), мэта якога прыцягнуць увагу грамадства да праблемаў веласіпеднага руху Беларусi. Прэзентацыя брашуры адбылася ў Мінску.[10]

“Дапаможнік” выдадзены пад свабоднай ліцэнзіяй Creative Commons і даступны да загрузкі на дзвюх мовах.[11]

У 2014 г. была створана новая версiя «Дапаможніка раварыста». Падчас працы над праектам да яго далучылася некалькі дзясяткаў валанцёраў. У гэтым годзе “Дапаможнік” быў прэзентаваны ў шэрагу гарадоў (Мінску, Гомелi, Магiлёве, Брэсце, Гродне, Вiцебску, Бабруйску).[12][13][14][15][16]

Кампанія «Мяняй правілы!»

У 2014 г. запушчана кампанія «Мяняй правілы!». Яе сутнасць заключаецца ў матывацыі грамаядзян да электроннага ўдзелу грамадства ў супольных справах і вырашэнні агульных праблем на прыкладзе веласупольнасці.[17]

Drupal-злёт

Drupal-злёт — мерапрыемства, мэтай якога з’яўляецца развiццё Drupal-супольнасцi Беларусi. У 2011 годзе быў праведзены першы Drupal-злёт, які сабраў каля 70 IT-спецыялістаў. У 2012 годзе на Drupal-злёце[18] было рэалізавана некалькі кірункаў: пераклад модуляў на беларускую мову, у межах хакатона створаны сайт некамерцыйнай ініцыятывы Niekropali.by.[19]

Турнір Нефармалаў

Асобны праект і кірунак дзейнасці — развіццё лакальных супольнасцей.Турнір Нефармалаў(недаступная спасылка) прызваны актуалізаваць і развіць дваровы футбол сярод аматарскіх каманд.[20]

Удзел у Руху адкрытых дадзеных

У 2014 г. “Фаланстэр” далучыўся да сусветнага Дня руху за Адкрытыя дадзеныя для абмену досведам і абмеркавання бягучых падзей.[21][22][23][24]

Філіял Творчыя Суполкі

У жніўні 2014 года адбылося адкрыццё філіяла Творчых Суполак (Creative Commons) у Беларусi. “Фаланстэр” выступае як інфраструктурная арганізацыя філіяла. Філіял займаецца вывучэннем праблем, звязанных з аўтарскім правам, таксама магчымасці прымянення Creative Commons, GNU GPL і інш, таксаме папулярызуе выкарастанне публічнага ліцэнзавання твораў сярод аўтараў, праводзіць публічныя лекцыі па асновах аўтарскага права і афармлення розных прац у Сеціве.[25]