wd wp Пошук:
    ⬜

    Drupal

    Drupal [d‘rupal] (Дрýпал) — свабодны і адкрыты Content Management Framework(руск.) бел. (CMF), напісаны на PHP. Распаўсюджваецца пад Універсальнай грамадскай ліцэнзіяй GNU (GNU General Public License(руск.) бел.). Выкарыстоўваецца ў якасці сервернай часткі прыкладання для прынамсі 2,1 % усіх вэб-сайтаў у свеце[2], у межах ад персанальных блогаў да карпаратыўных, палітычных і ўрадавых сайтаў, уключаючы whitehouse.gov і data.gov.uk. Таксама выкарыстоўваецца для кіравання ведамі і дзелавога супрацоўніцтва.

    Стандартны рэліз Drupal, вядомы як ядро Drupal, утрымлівае асноўныя магчымасці, характэрныя для сістэм кіравання змесцівам. Яны ўключаюць рэгістрацыю і абслугоўванне ўліковага запісу, кіраванне меню, каналы RSS, настройкі макета старонкі і адміністраванне сістэмы. Drupal можа выкарыстоўвацца як для сайтаў-візітовак, блогаў, інтэрнэт-форумаў, так і для сайтаў супольнасці, якія прадугледжваюць сгенераванае карыстальнікамі змесціва.

    На красавік 2013 года існуе больш за 21 400[3] свабодных, унесеных супольнасцю, дадаткаў, вядомых як модулі, якія даступныя, каб змяняць і пашыраць здольнасці ядра Drupal, і дадаваць новыя магчымасці ці наладжваць паводзіны і выгляд Drupal. З-за гэтай падключальнай пашыральнасці і модульнай канструкцыі Drupal апісваецца як CMF. Drupal таксама апісваецца як платформа інтэрнэт-прыдаткаў, паколькі яна задавальняе агульнапрынятым патрабаванням характарыстык для такіх платформаў.

    Хоць Drupal прапануе складаны праграмны інтэрфейс для распрацоўшчыкаў, усталёўка базавага вэб-сайта і кіраванне ім не патрабуе навыкаў праграмавання[4].

    Drupal працуе на любой вылічальнай платформе, якая падтрымлівае вэб-сервер, здольны апрацоўваць PHP (у тым ліку Apache, IIS, Lighttpd, Hiawatha, Cherokee або Nginx) і базы дадзеных (такія як MySQL, MongoDB, MariaDB, PostgreSQL, SQLite, або Microsoft SQL Server) для захоўвання змесціва і наладак. Drupal 6 патрабуе PHP 4.4.0+, а Drupal 7 патрабуе PHP 5.2.5 або вышэй.[5]

    Гісторыя праекта

    Першапачаткова напісаны Дрысам Байтаертам (Dries Buytaert) як дошка для аб’яў, Drupal стаў праектам з адкрытым кодам у 2001 годзе.[6] Drupal з’яўляецца англійскім варыянтам галандскага слова «druppel», што азначае «кропля».[7] Назва была ўзята ад сайта праекта Drop.org які цяпер спыніў сваё існаванне. Байтаерт хацеў назваць сайт «Dorp» (ад галандскага «вёска», цалкам дарэчнае імя для невялікай супольнасці), але памыліўся пры друку рэгістрацыі даменнага імя і вырашыў, што памылка гучыць лепш.[6] Назва паступова ператварылася ў Drupal.

    Цікавасць да Drupal атрымала значны імпульс у 2003 годзе, калі ён быў выкарыстаны для стварэння «DeanSpace» для Говарда Дзіна, аднаго з кандыдатаў у першаснай кампаніі Дэмакратычнай партыі ЗША ў 2004 годзе, на прэзідэнцкіх выбарах. DeanSpace выкарыстоўваў opensource-распаўсюджанне Drupal для падтрымкі дэцэнтралізаванай сеткі каля 50 разрозненых, неафіцыйных вэб-сайтаў Дзіна, якія злучаліся непасрэдна адзін з адным, а таксама з кампаніяй.[8] Пасля таго як Дзін скончыў сваю кампанію, члены яго вэб-каманды працягвалі пераследваць сваю зацікаўленасць у распрацоўцы вэб-платформы, якая можа дапамагчы палітычнай актыўнасці, пачаўшы з CivicSpace Labs ў ліпені 2004, «першай кампаніі з поўнай занятасцю, якая займалася распрацоўкай і распаўсюджваннем Drupal-тэхналогіі».[9] Іншыя кампаніі таксама пачалі спецыялізавацца на распрацоўцы Drupal.[10][11] Да 2012 года Drupal вэб-сайты налічваюць больш за 100 пастаўшчыкоў, якія прапануюць Drupal-паслугі.[12]

    Супольнасць у цяперашні час дапамагае развіваць Drupal,[13] і папулярнасць сістэмы імкліва расце. З ліпеня 2007 года па чэрвень 2008 года Drupal быў спампаваны з сайта Drupal.org больш за 1,4 мільёна разоў, што прыкладна на 125 % больш у параўнанні з папярэднім годам.[14]

    Па стане на снежань 2012 года, больш чым 808.000 сайтаў выкарыстоўваюць Drupal.[15] Яны ўключаюць у сябе сотні вядомых арганізацый,[16], у тым ліку карпарацыі, сродкі масавай інфармацыі і выдавецкія кампаніі, урады, некамерцыйныя арганізацыі [17], школы і прыватных асоб. Drupal таксама выйграў некалькі ўзнагарод Packt Open Source CMS Awards [18] і тры разы — Webware 100.[19][20]

    5 сакавіка 2009 года, Байтаерт абвясціў аб замарозцы распрацоўкі кода для Drupal 7 да 1 верасня 2009 года.[21] Drupal 7 быў выпушчаны 5 студзеня 2011 года з рэліз-вечарынамі ў розных краінах.[22] Пасля выпуску спынілася абслугоўванне Drupal 5, і зараз захоўваюцца і падрымліваюцца толькі Drupal 6 і Drupal 7.[23] Апошняя версія Drupal 7.22 выпушчаная 3 красавіка 2013 года. Гэты рэліз выпраўляе крытычную ўразлівасць бяспекі і ўсім уладальнікам прапануецца абнавіць яго неадкладна.[24]

    Drupal 8 знаходзіцца ў стадыі распрацоўкі, і пакуль няма зафіксаванай даты рэлізу.[25] Праца па Drupal 8 падзелена на катэгорыі, такія як Ініцыятывы ядра, Мабільная, Лэйаўты, Вэб-службы і Кіраванне канфігурацыяй. Праграма Google Summer of Code з’яўляецца спонсарам 20 Drupal-праектаў.[26]

    Эмблема праекта

    Лагатып Drupal

    Пасля таго, як Drupal быў створаны, відавочным пытаннем стала абранне і стварэнне эмблемы праекта. Удзельнікі супольнасці лічылі, што яна павінна быць звязана з кропляй або вадой. Першапачаткова эмблема Drupal малявалася як кропля ў крузе. З часам прыйшла ідэя зрабіць эмблему ў выглядзе карыкатурнай кроплі з тварам. Стывен Вітэнс (Steven Wittens) стварыў трохмерную кроплю, але ідэя не пайшла ў масы галоўным чынам таму, што трохмерны аб’ект складана друкаваць, рэдагаваць і г.д.

    Існуючая эмблема Drupal прыдумана Крысцьянам Янсэнам (Kristjan Jansen).[27] Яна прадстаўляе сабой кроплю з тварам. Вочы паказваюцца як дзве злучаныя кроплі ў выглядзе знаку бясконцасці і выражаюць у сімвалічнай форме бясконцыя магчымасці Drupal.

    Тэхнічныя асаблівасці

    Архітэктура Drupal дазваляе прымяняць яго для пабудовы розных тыпаў сайтаў — ад блогаў і навінных сайтаў да інфармацыйных архіваў і сацыяльных сетак. Наяўную па змоўчанні функцыянальнасць можна павялічваць падключэннем дадатковых пашырэнняў — «модуляў» у тэрміналогіі Drupal. Найбольш важныя функцыі, што прадастаўляюцца «са скрыні»:

    Ядро і модулі

    Drupal мае модульную архітэктуру з кампактным ядром, прадстаўляючым АРІ, да якога могуць звяртацца модулі. Стандартны набор модуляў уключае такія функцыі, як навінная стужка, блог, форум, загрузка файлаў, зборшчык навін, галасаванні, пошук і іншыя. Дызайн сайта змяняецца таксама пасродкам спецыяльных модуляў — «тэмаў афармлення».

    Модулі

    Некалькі прыкладаў найбольш папулярных модуляў, якія можна спампаваць з рэпазіторыя на drupal.org:

    палам і модулямі праз кансоль (таксама дасягальны ў рэпазіторыях апошніх версій ubuntu).

    Да несумнеўных плюсаў Drupal трэба аднесці даволі поўную дакументацыю па розных аспектах сістэмы (дакументацыя пераважна на англійскай мове).

    Тэмы афармлення

    Дызайн сайта на Drupal можна змяняць з дапамогай тэмаў афармлення. У якасці шабланізатара («рухавік тэмы» у тэрміналогіі Drupal) выкарыстоўваецца PHPTemplate, але з’яўляецца магчымасць выкарыстоўваць Xtemplate[40], Smarty[41], Twig[42] і іншыя.

    Уключэнне PHPTemplate і XTemplate рухавікоў у Drupal заклапочвае з нагоды гнуткасці і складанасці.[43] Drupal-темізацыя выкарыстоўвае механізм шаблонаў, каб далей адасобліваць HTML/CSS з PHP. Папулярны Drupal-модуль, які называецца «Devel» падае GUI інфармацыю для распрацоўшчыкаў і вярстальшчыкаў пра будову старонкі.

    Унесеныя супольнасцю тэмы на сайт Drupal.org выдадзеныя ў адпаведнасці з бясплатнай ліцэнзіяй GPL.

    З версіі 6.0 з’явілася магчымасць дынамічна змяняць формы па сродках AHAH. У версію 7.0 увайшла бібліятэка jQuery UI.

    Метады структуравання зместу

    У Drupal прапаноўваецца гібкая схема арганізацыі структуры сайта на аснове таксанаміі.

    Таксанамія — механізм, які дазваляе ствараць адвольную колькасць тэматычных катэгорый для змесціва сайта і асацыяваць іх з модулямі, якія забяспечваюць увод і вывад інфармацыі. Катэгорыі могуць прадстаўляць плоскія або іерархічныя спісы, альбо складаныя структуры, дзе элемент можа мець некалькі «продкаў» і некалькі даччыных элементаў. З дапамогай падобнай схемы аднымі і тымі ж модулямі магчыма арганізацыя розных варыянтаў структурызацыі змесціва. Напрыклад, лёгка ствараецца скразны спіс «ключавых словаў» для ўсіх дакументаў сайта і т.п.

    Іншая парадзігма з’явілася са стварэннем у Drupal пашырэння Content Construction Kit (CCK). CCK дазваляе дапаўняць дакументы новымі палямі розных тыпаў — ад палёў увода URL і email, да палёў захоўвання і адлюстравання мультымедыйных файлаў. Таксама па сродках дадатковых модуляў да CCK (напрыклад, Node reference) можна арганізаваць сувязі паміж дакументамі, не выкарыстоўваючы механізм таксанаміі.

    Падтрымка лакалізацыі

    Відыё «Як перакладаць Drupal»

    Сістэма падтрымлівае лакалізацыю інтэрфейса на больш чым 100 мовах (аднак не ўсе пераклады з’яўляюцца поўнымі). Падтрымліваецца руская мова. У Drupal выкарыстоўваецца асабісты механізм для лакалізацыі з захаваннем перакладаў у базе дадзеных, нараўне з астатнім змесцівам сайта. Імпарт і экспарт перакладаў сайта ажыцяўляецца ў выглядзе po-файлаў.

    Поўная лакалізацыя змесціва падтрымліваецца іншымі модулямі, якія не ўваходзяць у пастаўку Drupal, але могуць быть спампаваныя з сайта распрацоўшчыкаў. У 2012 годзе Drupal-клуб арганізаваў конкурс «Пераклад Drupal на беларускую мову»[44] сярод распрацоўшчыкаў, лінгвістаў і проста ініцыятыўных людзей. Цягам трох месяцаў ядро Drupal 7 версіі было цалкам лакалізавана.

    Бяспека

    Палітыка Drupal складаецца ў тым, каб анансаваць аб прыродзе кожнай уразлівасці сістэмы бяспекі, як толькі выдадзены новы рэліз. Адміністратары Drupal сайтаў аўтаматычна апавяшчаюцца аб гэтых новых рэлізах праз модуль Статуса Абнаўлення (Drupal 6.x) ці праз Менеджар Абнаўлення (Drupal 7.x). Drupal вядзе спіс рассылкі паведамленняў бяспекі, гісторыю ўсіх апавяшчэнняў бяспекі, дамашнюю старонку службы бяспекі і RSS-стужку з новымі апавяшчэннямі. У 2012 годзе паведамілі і выправілі ў ядры Drupal 4 уразлівасці сістэмы бяспекі. Дзіркі ў бяспецы таксама былі знойдзены і выпраўлены ў 174 унесеных карыстальнікамі модулях.

    Сістэмныя патрабаванні

    Drupal у першую чаргу арыентаваны на платформу LAMP, але магчымы варыянты выкарыстання іншага сістэмнага ПЗ.

    Крытыка

    Прыклады рэалізацыі сайтаў на Drupal

    Прыведзены прыклады некалькіх сайтаў з высокай наведвальнасцю (дзесяткі тысяч наведвальнікаў у суткі і вышэй), працуючых на Drupal:

    Супольнасць

    Drupal.org мае вялікую супольнасць карыстальнікаў і распрацоўшчыкаў, з больш чым 954,296 уліковых запісаў карыстальнікаў і больш чым 25,146 уліковых запісаў распрацоўшчыкаў (на красавік 2013).[53] Паўгадавыя Drupal-канферэнцыі (DrupalCon) чаргуюцца паміж Паўночнай Амерыкай і Еўропай.[54] Колькасць удзельнікаў на канферэнцыях DrupalCon павялічылася з 500 у Сегедзе ў жніўні 2008 да больш чым 3,100 у Дэнверы ў сакавіку 2012.[55] Еўрапейскі DrupalCon у жніўні 2012 года праходзіў у Мюнхене, Германія.

    Меньшыя падзеі, вядомыя як «Drupal-кемпы» (DrupalCamp),[56] праходзяць на працягу ўсяго года па ўсім свеце.

    Таксама гуру Drupal запісваюць відэаскрынкасты па ўсталёўцы і наладцы розных модуляў, тэм і г.д., што дазваляе пачаткоўцам хутчэй разабрацца ў сістэме.

    Drupal у Беларусі

    У Беларусі таксама існуе Drupal-супольнасць, якая ў некаторы момант падзялілася. Тым не менш, у Мінску ладзяцца мерапрыемствы прысвечаныя Drupal.

    Восенню 2011 года пачаў сваю дзейнасць Drupal-клуб, куды можа прыйсці любы зацікаўлены ў вывучэнні гэтай сістэмы.

    26 лістапада 2011 года актывісты Drupal-клуба, які дзейнічае на базе Фаланстэра, арганізавалі першы Drupal-злёт[57], на якім былі прадстаўлены даклады і майстэр-клас для пачаткоўцаў.

    Першы Drupal-злёт

    15-16 снежня 2012 адбыўся другі Drupal-злёт[58] у іншым фармаце. Усё мерапрыемства было падзелена на 3 блокі:

    Сярод удзельнікаў распаўсюджваўся комікс[59] прысвечаны Drupal.

    15 лістапада 2013 года быў праведзены Drupal-дзень для шкаляроў.[60]

    Асобныя фанатычныя ўдзельнікі пад уплывам Drupal намалявалі велізарнае 3D-графіті і запісалі трэк[61].

    Літаратура

    Кнігі на рускай мове

    Drupal 7

    Drupal 6

    Кнігі на англійскай мове

    Зноскі

    1. ↑ CHANGELOG.txt
    2. ↑ W3Techs. Usage of content management systems for websites (нявызн.) (15 ліпеня 2011). Праверана 15 ліпеня 2011.
    3. ↑ Галоўная старонка дрýпал
    4. ↑ Асаблівасці
    5. ↑ Патрабаванні
    6. 1 2 «History» drupal.org. Retrieved 2009-04-08.
    7. ↑ «Druppel: Dutch to English Translation» Архівавана 13 красавіка 2009. Babylon Translation. Retrieved 2009-04-08.
    8. ↑ Benjamin Melançon et al. (2011). The Definitive Guide to Drupal 7 (2nd ed.). Apress. p. 823. ISBN 9781430231356. Retrieved 2012-05-27.
    9. ↑ Critchley, Spencer (2006-05-03). «Digital Politics: An Interview With CivicSpace Founder Zack Rosen». O’Reilly Media. Retrieved 2012-05-27.
    10. ↑ Kreiss, Daniel (2012-03-05). «Dean, Romney, and Drupal: Values and Technological Adoption». Culture Digitally. Retrieved 2012-05-27.
    11. ↑ Samantha M. Shapiro, «The Dean Connection», The New York Times December 7, 2003, accessed May 27, 2012.
    12. ↑ «Marketplace». drupal.org. Retrieved 2012-05-27.
    13. ↑ Koenig, Josh. «Growth Graphs». Groups.Drupal. Retrieved 2009-04-08.
    14. ↑ Buytaert, Dries (2008). «Drupal Download Statistics». Retrieved 2009-04-08.
    15. ↑ «Drupal project usage»
    16. ↑ «Drupal Sites». Dries Buytaert. Retrieved 2010-07-20.
    17. ↑ «List of Nonprofit, NPO, NGO Websites Using Drupal». ENGINE Industries. Retrieved 2010-07-20.
    18. ↑ «OSS CMS Award Previous Winners» Архівавана 14 лютага 2012.. Packt Publishing. Retrieved 2009-04-08.
    19. ↑ «Drupal is a Webware 100 winner for the third year in a row». Drupal.org. Retrieved 2011-08-31.
    20. ↑ «Cnet.com»(недаступная спасылка). News.cnet.com. 2009-05-19. Retrieved 2011-08-31.
    21. ↑ «Buytaert.net». Buytaert.net. Retrieved 2011-08-31.
    22. ↑ «Drupal 7 to be released on January 5 (with one ginormous party)». Buytaert.net. Retrieved 2011-08-31.
    23. ↑ «Xplain Hosting Drupal 7 Quickstart training seminar». Scoop(англ.) бел.. 2010-12-16.
    24. ↑ Drupal 8 feature freeze extended
    25. ↑ «Never hack core». drupal.org.
    26. ↑ «Handbook: Core Modules». drupal.org. Archived from the original on 2008-07-28. Retrieved 2009-04-08.
    27. ↑ History of the Druplicon logo, drupal.org
    28. ↑ Views
    29. ↑ Panels Архівавана 29 сакавіка 2008.
    30. ↑ Services Архівавана 12 кастрычніка 2013.
    31. ↑ WYSIWYG Архівавана 20 жніўня 2013.
    32. ↑ Apachesolr Архівавана 27 жніўня 2013.
    33. ↑ Panels everywhere Архівавана 19 кастрычніка 2013.
    34. ↑ Features Архівавана 22 жніўня 2013.
    35. ↑ Backup and migrate (BAM) Архівавана 11 верасня 2013.
    36. ↑ Views bulk operations Архівавана 21 жніўня 2013.
    37. ↑ Devel Архівавана 17 жніўня 2013.
    38. ↑ Drush Архівавана 31 жніўня 2013.
    39. ↑ Memcache
    40. ↑ XTemplate theme engine | drupal.org Архівавана 16 сакавіка 2009.
    41. ↑ Smarty theme engine | drupal.org Архівавана 7 красавіка 2013.
    42. ↑ Twig template engine | drupal.org Архівавана 22 мая 2013.
    43. ↑ How does Drupal compare to Mambo? discussion thread (нявызн.). drupal.org.
    44. ↑ Конкурс «Пераклад Drupal на беларускую мову»
    45. ↑ Статья по адаптации на сайте IBM Developer Networks
    46. ↑ Праграмаванне ў Drupal з пункту гледжання ААП Архівавана 21 мая 2007.
    47. ↑ Абнаўленне сістэмы (для карыстальнікаў) Архівавана 23 сакавіка 2011.
    48. ↑ Абнаўленне модуляў (для распрацоўшчыкаў) Архівавана 22 мая 2011.
    49. 1 2 Drupal Sites Which You May Not Have Known Were Drupal Based (нявызн.) (недаступная спасылка) (24 кастрычніка 2008). Архівавана з першакрыніцы 4 лютага 2009. Праверана 17 красавіка 2013.
    50. ↑ Who is Using Drupal? (нявызн.) (недаступная спасылка) (2008). Архівавана з першакрыніцы 2 сакавіка 2013. Праверана 17 красавіка 2013.
    51. ↑ ubuntu.com использует Drupal! | Drupal Россия
    52. ↑ Under First Open-Source Prez Obama, White House Adopts Drupal, but at What Cost? | Fast Company
    53. ↑ Drupal Homepage (нявызн.). Drupal.org. Праверана 18 жніўня 2011.
    54. ↑ drupal.org discussion on Drupalcon event management (нявызн.). Groups.drupal.org. Праверана 31 жніўня 2011.
    55. ↑ DrupalCon Chicago 2011 (нявызн.).
    56. ↑ Drupal Camps and Cons (нявызн.). Праверана 25 January 2013.
    57. ↑ Першы Drupal-злёт
    58. ↑ Другі Drupal-злёт Архівавана 7 лютага 2013.
    59. ↑ Комікс Drupal-злёт
    60. ↑ Drupal-день. Следующее поколение Архівавана 23 лістапада 2013.
    61. ↑ Drupal-клуб. Будь социальным!|Смотреть видео

    Спасылкі

    Тэмы гэтай старонкі (12):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Артыкулы без выяў (пазначана ў Вікідадзеных: P373)
    Катэгорыя·Праграмнае забеспячэнне, распрацаванае ў 2001 годзе
    Катэгорыя·Вікіпедыя·Артыкулы з непрацоўнымі спасылкамі
    Катэгорыя·Свабоднае праграмнае забеспячэнне, напісанае на PHP
    Катэгорыя·Праграмнае забеспячэнне паводле алфавіта
    Катэгорыя·Вікіпедыя·Артыкулы са спасылкамі на элементы Вікідадзеных без беларускага подпісу
    Катэгорыя·Свабодныя сістэмы кіравання сайтамі
    Катэгорыя·Сістэмы вядзення блогаў
    Катэгорыя·Старонкі з няправільным сінтаксісам спасылак на крыніцы
    Катэгорыя·Артыкулы без выяў (меней 21 аб’екта тыпу)
    Катэгорыя·Вікіпедыя·Запыты на пераклад з рускай