«У невядо́мых сусве́тах» (ням.: In fremden Welten) — беларускі зборнік сучаснай нямецкай літаратуры, выдадзены выдавецтвам «Мастацкая літаратура» ў 2012 годзе. Выданню паспрыялі «Goethe-Institut Minsk» і «DAAD Belarus». Прэзентацыя кнігі і праекту адбылася 18 траўня ў інстытуце імя Гётэ ў Мінску, дзе адзін з аўтараў, якія ўвайшлі ў зборнік, Томас Розенлёхер чытаў са сваіх тэкстаў.[1][2]
Анталогія сучаснай нямецкай літаратуры, складзеная Райко Ласончыкам і Андрэ Бёмам і выдадзеная адначасова на нямецкай і беларускай мовах. Упершыню студэнты беларускіх дзяржаўных універсітэтаў папрацавалі над перакладамі на беларускую мову цікавых сучасных празаічных твораў цяперашняй Германіі, каб мацаваліся добрыя сяброўскія зносіны паміж культурамі двух народаў. У зборнік змешчаныя апавяданні дзесяці сучасных нямецкіх аўтараў: Томас Розенлёхер[de] (г. н. 1947), Вольфганг Бюшэр[de] (1951), Дорыс Дорыэ[de] (1955), Ульрыкэ Дрэснэр[de] (1962), Інго Шульцэ[de] (1962), Уладзімір Камінер[de] (1967), Каця Оскамп[de] (1970), Юдыт Герман[de] (1970), Флорыян Ільіс[de] (1971), Клаўдыя Руш[de] (1971).