Уладзіслаў Ша́фер (польск.: Władysław Szafer; 23 ліпеня 1886, г. Сасновец, Польшча — 16 лістапада 1970) — польскі батанік; заснавальнік навуковай школы па палеабатаніцы. Член Польскай АН з 1952, яе віцэ-прэзідэнт у 1957—61.
Вучыўся ў Венскім і Львоўскім універсітэтах. Прафесар Кракаўскага ўніверсітэта і дырэктар Батанічнага сада (з 1917). Арганізатар і дырэктар Інстытута батанікі (1951—63) і Інстытута аховы прыроды (1951—60) Польскай АН.
Навуковыя працы па сістэматыцы і экалогіі сасудзістых раслін, батанічнай геаграфіі, палеабатаніцы, ахове прыроды. Арганізатар і рэдактар прац: «Флора Польшчы» (т. 1—9, 1919—60), «Расліннае покрыва Польшчы» (т. 1—2, 1959), «Ахова прыроды і яе рэсурсаў» (т. 1—2, 1965). Аўтар «Успамінаў прыродазнаўцы» (1973).
Дзяржаўная прэмія Польшчы (1949).