У Вікіпедыі ёсць артыкулы пра іншых асоб з прозвішчам Ібрагімаў.
Уладзіслаў Ахмедавіч Ібрагімаў (нар. 8 студзеня 1945, Кіеў, Украіна — 19 мая 2003) — беларускі спецыяліст у галіне механікі дэфармуемага цвёрдага цела. Доктар фізіка-матэматычных навук (1979), прафесар (1983).
Скончыў Маскоўскі дзяржаўны ўніверсітэт імя М. В. Ламаносава (1968; аспірантура, 1971).
Працаваў у Івана-Франкоўскім інстытуце нафты і газу (1971—1979), Беларускім нацыянальным тэхнічным універсітэце (з 1979, прыборабудаўнічы факультэт, кафедра «Інжынерная матэматыка», з 1981 — загадчык кафедры).
Навуковыя інтарэсы: тэорыя і матэматычныя метады нелінейнай механікі разбурэння; краявыя задачы фізічна і геаметрычна нелінейнай пругкасці і пластычнасці.