wd wp Пошук: ⬜

Уладзімір Уладзіміравіч Васюк

Уладзімір Уладзіміравіч Васю́к (нар. 2 ліпеня 1947, пас. Леніна, Хойніцкі раён, Гомельская вобласць) — беларускі графік.

Біяграфія

Скончыў Беларускі тэатральна-мастацкі інстытут у 1978 годзе. Выкладчык Мінскага мастацкага вучылішча з 1978 года, Беларускай акадэміі мастацтваў з 1987 года.

Член Беларускага саюза мастакоў ‎з 1981 года.

Творчасць

Працуе ў галіне плаката, кніжнай графікі. Асноўныя творы: плакаты «М. Гусоўскі» (1980), «Песнярам зямлі беларускай» (1982), «Пётр Мсціславец — першы беларускі друкар» (1990), «Сымон Будны» (1992); графічная серыя «Прывід маёй маленькай радзімы» (1995). Аформіў кнігі «Праваслаўныя святы» і «Праваслаўнае дойлідства Беларусі» (1995). Аўтар афішаў да спектакляў і святаў.

Зноскі

Літаратура

Л. Ф. Салавей. Васюк Уладзімір Уладзіміравіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 4: Варанецкі — Гальфстрым. — 480 с. — 10 000 экз. — ISBN 985-11-0090-0 (т. 4), ISBN 985-11-0035-8.

Спасылкі

Уладзімір Уладзіміравіч Васюк на сайце анлайн-энцыклапедыі «Беларусь у асобах і падзеях»