Уладзімір Рыгоравіч Башкіраў (нар. 18 студзеня 1947, в. Раслякі, Гарадоцкі раён, Віцебская вобласць) — беларускі свяшчэннік (мітрафорны протаіерэй), багаслоў. Доктар багаслоўя (2009), прафесар (2006).
Скончыў Пскоўскі дзяржаўны педагагічны інстытут імя С. М. Кірава (спецыяльнасць «Нямецкая і англійская мовы», 1972), Маскоўскую духоўную акадэмію (спецыяльнасць «Тэалогія», 1982).
Служыў у храме ў гонар Усіх Святых г. Мінска (клірык), Мінскай духоўнай акадэміі (прафесар), Інстытуце тэалогіі імя святых Мяфодзія і Кірыла Беларускага дзяржаўнага ўніверсітэта (кафедра багаслоўя, загадчык кафедры).
Навуковыя інтарэсы: багаслоўе; гісторыя дагматаў; гамілетыка.