У Вікіпедыі ёсць артыкулы пра іншых асоб з прозвішчам Калмыкоў.
Уладзімір Мікалаевіч Калмыкоў (нар. 22 студзеня 1934, станцыя Зміёўка, Свярдлоўскі раён, Арлоўская вобласць, Расія) — беларускі філосаф. Доктар філасофскіх навук (1980), прафесар (1981). Правадзейны член Міжнароднай акадэміі акмеалагічных навук (1998), Беларускай акадэміі сацыяльных навук (1999).
Скончыў Харкаўскі дзяржаўны ўніверсітэт імя А. М. Горкага (спецыяльнасць «Гісторыя», 1957; аспірантура, 1968).
Працуе ў Гомельскім дзяржаўным універсітэце імя Ф. Скарыны (з 1971, гістарычны факультэт, кафедра філасофіі, прафесар, у 1976—2010 — загадчык кафедры).
Навуковыя інтарэсы: сацыяльная філасофія; філасофская антрапалогія.
Ордэн «Знак Пашаны» (1981).