Уладзімір Васілевіч Магільны (нар. 5 снежня 1949, г. Мінск) — беларускі фізік-оптык. Доктар фізіка-матэматычных навук (1998), прафесар (2004).
Скончыў Беларускі дзяржаўны ўніверсітэт (спецыяльнасць «Радыёфізіка і электроніка», 1972; аспірантура, 1978).
Працуе ў Беларускім дзяржаўным універсітэце (з 1978, фізічны факультэт, кафедра фізічнай оптыкі і прыкладной інфарматыкі, прафесар).
Навуковыя інтарэсы: фотафізіка і фотахімія шклопадобных палімераў; стварэнне новых фотаадчувальных палімерных матэрыялаў для галаграфіі і іншых аптычных тэхналогій.