У гэтага паняцця ёсць і іншыя значэнні, гл. Курган. Уладзімір Ільіч Курган (7 студзеня 1953 — 7 красавіка 2019) — беларускі акцёр
і тэатральны педагог. Сын Ільі Львовіча Кургана[2].
Нарадзіўся ў сям’і вядомага дыктара Беларускага радыё і тэлебачання Ільі Львовіча Кургана ў 1953 годзе[2].
У 1974 годзе скончыў Беларускі дзяржаўны тэатральна-мастацкі інстытут па спецыяльнасці «акцёр драматычнага тэатра і кіно», пасля чаго прыйшоў працаваць у Нацыянальны акадэмічны драматычны тэатр імя М. Горкага[2].
На сцэне тэатра Уладзімір Курган згуляў нямала запамінальных роляў і быў любім гледачамі. Ён стварыў вобраз Дональбайна ў п’есе «Макбет» Уільяма Шэкспіра, сыграў нямецкага салдата ў «Знаку бяды» Васіля Быкава, Флёр’е ў спектаклі «Вяртанне ў Хатынь» паводле аповесці Алеся Адамовіча[2].
Памёр 7 красавіка 2019 года. Пахаваны побач з маці на Паўночных могілках Мінска[3].