Ту́нджа (балг.: Тунджа, турэцк.: Tunca) — рака ў Балгарыі і Турцыі, левы прытока ракі Марыца.
Даўжыня ракі 390 км, з іх на тэрыторыі Балгарыі 350 км. Плошча вадазбору 8429 км² (7884 км² з іх у Балгарыі). Рака бярэ пачатак на паўднёвых схілах Балканскіх гор, працякае па Казанлыкскай катлавіне і Фракійскай нізіне, упадае ў Марыцу каля горада Эдырнэ (Турцыя).
Сярэдні нахіл воднай паверхні 5,4 м/км. Сярэднегадавы расход вады на мяжы з Турцыяй 39,7 м³/с. Прымае сцёк з больш за 50 прытокаў. На рацэ вадасховішчы[1] імя Г. Дзмітрава і Жрэбчава, гарады Елхава, Слівен, Ямбал (Балгарыя) і Эдырнэ (Турцыя) і інш.