Трыметыламін — прадстаўнік аліфатычных трацічных амінаў, (СН3)3N.
Бясколерны газ з рэзкім пахам аміяку, пры значным разбаўленні мае пах селядцовага расолу. Добра раствараецца ў вадзе, этаноле, дыэтылавым эфіры і іншых арганічных растваральніках. Тэмпература плаўлення -124 °C[1], тэмпература кіпення 3,5 °C[1]. Шчыльнасць 0,6709 г/см³ пры тэмпературы 0 °C[1]. Выяўляе ўласцівасці моцных асноў.
Выбуха- і пажаранебяспечнае рэчыва[2]. У вялікіх канцэнтрацыях аказвае шкоднае ўздзеянне на нервовую сістэму, печань, ныркі, раздражняе слізістыя абалонкі вачэй і верхніх дыхальных шляхоў[2].
Трыметыламін выкарыстоўваецца ў вытворчасці халінхларыду, халіну, чацвярцічных амоніевых солей, іонаабменных смол, флатарэагентаў, лекавых сродкаў.
Метыламіны на сайце ХиМиК.ру (руск.)
На Вікісховішчы ёсць медыяфайлы па тэме Трыметыламін