Зіглінгія ляжачая[3], Сіглінгія[4], Трохзубка (Danthonia decumbens) — шматгадовая травяністая расліна сямейства злакавых (метлюжковых).
Вышыня 15—30 см. Расліна з тоўстымі каранямі і кароткімі тонкімі парасткамі, утварае дзеравінкі. Лісце вузкалінейнае, зверху і па краі похваў з доўгімі валаскамі. Суквецце — рэдкая, вузкая мяцёлка з нешматлікімі каласкамі. Плод — зярняўка.
Пашырана па ўсёй Беларусі на лясных палянах, лугах, у хмызняках. Цвіце ў чэрвені — ліпені.
Маладыя расліны добра есць жывёла.